چیف جسٹس نے خیبرپختونخوا ملازمین کی مستقلی سے متعلق کیس کی سماعت میں ریمارکس دیتے ہوئے چھ ماہ میں تمام بھرتیاں مکمل  کرنے کا حکم دے دیا ہے۔

تفصیلات کے طابقسپریم کورٹ میں خیبرپختونخوا ملازمین کی مستقلی سے متعلق کیس کی سماعت ہوئی س پر چیف جسٹس گلزار نے برہمی کا اظہار کیا ۔

چیف جسٹس کی جانب سے درخواست زائد المعیاد ہونے پر عدالت کا ایڈیشنل ایڈووکیٹ جنرل خیبرپختونخوا پر سخت اظہار برہمی کا اظہار کرتے ہوئے کہا گیا ہے کہ اب جب بھی زائد المعیاد درخواست آئے گی ساتھ وزیر اعلیٰ کا بیان حلفی بھی آنا چاہیے کیونکہ خیبرپختونخوا حکومت نے  یہ عادت بنا لی ہے ہر درخواست دیر سے دائر کرنی ہے۔

جسٹس اعجاز الاحسن نے  کہا ہے کہ ہمیشہ بہانہ بنا دیا جاتا ہے کہ فیصلے کی کاپی بروقت نہیں ملی جبکہ چیف جسٹس نےکہا کہ کیا ملازمین ایکٹ کے تحت پروجیکٹس کے نہیں تھے جس پر وکیل خیبرپختونخوا حکومت نے کہا کہ اگر ان ملازمین کو ریگولر کیا تو پھر ایک نیا پنڈورا بکس کھل جائے گا۔

چیف جسٹس پاکستان نے کہا کہ آپ اپنا پنڈورا بکس بند کرنے کے لیے ہمارا پنڈورا بکس کیوں کھول رہے ہیں، جو باتیں آپ اب کر رہے ہیں فیصلہ آنے سے پہلے ہمیں کیوں نہیں بتائی گئیں جس پر وکیل کے پی حکومت نے کہا  کہ اس میں ہماری اپنی کوتاہی ہے میں معذرت چاہتا ہوں۔

عدالت نے موقف سننے کےبعد خیبرپختونخوا حکومت  کو چھ ماہ میں تمام بھرتیاں مکمل  کرنے کا حکم دیتے ہوئے سماعت ملتوی کردی۔