پاکستان میں تعینات برطانوی ہائی کمشنر ڈاکٹر کرسچین ٹرنر نے اپنے ویڈیو پیغام میں کہا پاکستان سے برطانیہ کے لیے مزید چارٹر فلائٹس پر پیش رفت ہوئی ہے،اگلے ہفتے آٹھ چارٹر فلائٹس اسلام آباد اور لاہور جبکہ 1 چارٹر فلائٹ کراچی سے برطانوی شہریوں کو واپس لے کر جائے گی۔

ڈاکٹر کرسچین ٹرنر کا کہنا ہے اسلام آباد اور لاہور سے جن افراد نے بکنگ کرا رکھی ہے انہیں دوبارہ بکنگ کرانے کی ضرورت نہیں،پاکستان میں بین الاقوامی فلائٹس پر پابندی کے بعد 10 ہزار 500 برطانوی شہری وطن واپس جا چکے ،پیر تک مزید 2 ہزار 500 برطانوی شہری 10 چارٹر فلائٹس سے برطانیہ واپس پہنچ جائیں گے۔

انہوں نے کہا ہے کہ ہمیں معلوم ہے پاکستان سے مزید برطانوی شہری وطن واپس جانا چاہتے ہیں،جن شہریوں نے رجسٹریشن نہیں کرائی وہ جلد از جلد رجسٹریشن کرائیں،9 چارٹر فلائٹس سے 2250 برطانوی شہریوں کو وطن واپس لایا جا سکے گا۔