پی ایم اے کاکول میں پاسنگ آؤٹ پریڈ  ہوئی، فارغ التحصیل ہونے والے کیڈس نے مارچ پاسٹ پیش کیا۔

آئی ایس پی آر کے مطابق  پاس آؤٹ ہونے والوں میں سری لنکا، سعودی عرب عراق اور فلسطین کے کیڈٹس بھی شامل تھے۔

آئی جی ٹی اینڈ ای لیفٹیننٹ جنرل شیر افگن تقریب کے مہمان خصوصی تھے اور مہمان خصوصی کی جانب سے  پریڈ کا جائزہ لیا اور کیڈٹس کو ایوارڈز سے بھی نوازا گیا۔

ان کا کہنا تھا کہ پاس آؤٹ ہونے والے کیڈٹس نہ صرف اعلی پیشہ ورانہ صلاحیتوں کا مظاہرہ کریں گے بلکہ ملک و قوم کے لئے کسی بھی قربانی سے دریغ نہیں کریں گے۔

پریڈ میں سماجی فاصلے کا زبردست مظاہرہ بھی کیا گیا جبکہ پہلی بار اس پریڈ میں شرکت کے لیے مہمانوں کو دعوت نہیں دی گئی۔

واضح رہے کہ پریڈ میں میڈیا کو بھی دعوت نہیں دی گئی۔