کورونا وائرس کی وجہ سے بین الاقوامی فلائٹ آپریشن بند ہونے کے سبب شارجہ میں پھنسے پاکستانیوں کے لیے اچھی خبر سامنے آگئی۔

تفصیلات کے مطابق  سول ایوی ایشن اتھارٹی ( سی اے اے ) نے ایئر عربیہ کو 28 اپریل کو خصوصی پرواز کی اجازت دے دی۔

ایئر عربیہ کل یواے ای کے شہر شارجہ میں پھنسے پاکستانیوں کو کراچی لائے گی۔ ایئر عربیہ  کی فلائٹ کل 200 سے زائد پاکستانیوں کو  لے کر کراچی ایئر پورٹ لینڈ کرے گی۔

سی اے اے کا کہنا  ہے کہ  ایئر عربیہ جہاز کے عملے کو جہاز سے اترنے کی اجازت نہیں ہوگی۔تمام مسافروں کو سی اے اے کے ایس او پی پر عمل کرتے ہوئے اسکریننگ اور کورونا ٹیسٹ لازمی کروانا ہوگا۔

سی اے اے نے ایئر عربیہ کی درخواست پر اجازت نامہ جاری کردیا۔