معاون خصوصی ڈاکٹر فردوس عاشق اعوان نے کہا ہے کہ عمران خان تحقیقاتی رپورٹ سامنے لے آئے ہیں۔

تفصیلات کے مطابق وزیراعظم کی معاون خصوصی اطلاعات و نشریات ڈاکٹر فردوس عاشق اعوان نے اپنے ٹویٹ میں کہا ہے کہ سیاسی مخالفین پہلے کہتے تھے انکوائری رپورٹ نہیں آئے گی لیکن عمران خان تحقیقاتی رپورٹ سامنے لے آئے اور اب انکوائری کمیشن پر اعتراض جاری ہیں۔

انہوں نے کہا کہ سیاسی مخالفین کو ناکامی کا منہ دیکھنا پڑے گا کیونکہ عمران خان چھپانے پر نہیں قوم کو حقائق بتانے پر یقین رکھتے ہیں اور حکومت نے ایسی تحقیقات کرائی ہے جس میں اپنے لوگوں پر سوال اٹھے ہیں۔

انہوں نےمزید کہا کہ شہباز صاحب! کیا ایسی جرات پہلے کسی حکومت نے دکھائی ہے؟

یہ اقدام شفاف اور منصفانہ طرزِحکومت کی علامت ہے جبکہ یاد رہے کہ سابقہ ادوار میں حقائق کو چھپانے اور اپنےلوگوں کو بچانے کی روش اختیار کی جاتی رہی ہے۔