وزیر اعلیٰ سندھ مراد علی شاہ کے  بہنوئی مہدی شاہ مہدی شاہ کورونا وائرس کی وجہ سے انتقال کرگئے۔

تفصیلات کے مطابق وزیر تعلیم سندھ سعید غنی کی بول نیوز سے گفتگوکرتے ہوئے وزیراعلیٰ سندھ کے بہنوئی مہدی شاہ کے انتقال کی تصدیق کردی۔

اپنے بیان میں سندھ سعید غنی نے کہا کہ وزیر اعلیٰ سندھ مراد علی شاہ کے  بہنوئی مہدی شاہ آغا خان اسپتال میں زیر علاج تھے۔

 وزیر تعلیم سندھ سعید غنی نے مزید کہا کہ مہدی شاہ مختلف اضلاع میں ڈپٹی کمشنر کے عہدے پر تعینات رہے ہیں۔

ذرائع سی ایم ہائوس کے مطابق وزیراعلی سندھ مراد علی شاہ کو سی ایم ہائوس میں انتقال کی اطلاع دی گئی ہے۔

وزیراعلیٰ سندھ کا بہنوئی کروناوائرس سےمحفوظ

یاد رہے اس سے قبل بول نیوز سے خصوصی گفتگو کرتے ہوئے صوبائی وزیراطلاعات نے وزیراعلیٰ سندھ کے بہنوئی کی کرونا وائرس سے متاثرہونے کی خبرکی تردید کرتے ہوئے کہا تھا کہ ایسی کوئی بات نہیں ،نہ ہی وہ2 روز قبل ایران سے آئے۔

ناصر حسین شاہ کا کہناتھاکہ یہ خواہ مخواہ ایک ایشو بنا دیا گیا جس میں کسی قسم کی صداقت نہیں،پہلے دن سے وفاقی اور سندھ حکومت کا موقف رہا ہے کہ کسی بھی مریض کا نام نہیں لیا جائے گا۔

صوبائی وزیر اطلاعات کا کہنا تھا کہ اس طرح کی افواہوں اور غیر ضروری باتوں کواجاگر کرنا مناسب نہیں، حکومتِ سندھ نے اس وائرس کو بہت سنجیدگی سے لیا ہے۔ سندھ حکومت سب اداروں کے ساتھ رابطے میں ہےاوراس سلسلے میں روزانہ 2 بار اجلاس ہوتا ہے۔

واضح رہے کہ ملک میں کورونا وائرس سے مزید 5 افراد کے جاں بحق ہونے جن میں میں سے پنجاب میں 2 ، خیبرپختونخوا میں بھی 2 اور سندھ میں ایک ہلاکت کی رپورٹ ہوئی ، جس کے بعد اموات کی تعداد 65 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 21 ، بلوچستان میں 2 ، خیبرپختونخوا میں 20 ، گلگت بلتستان میں 3 ، پنجاب میں 18 افراد جان کی بازی ہار چکے ہیں۔