وزیراطلاعات سندھ ناصر حسین شاہ نے لاک ڈائون ختم ہونے کی افواہوں کی تر دید کردی۔

تفصیلات کے مطابق وزیراطلاعات سندھ ناصر حسین شاہ نے لاک ڈاؤن ختم کرنے کی افواہوں کی تردید کرتے ہوئے کہا کہ سندھ میں لاک ڈاؤن ختم کرنے کا کوئی فیصلہ نہیں کیا، آج صرف لاک ڈاؤن میں نرمی کے حوالے سے مشاورت ہوئی ہے۔

وزیراطلاعات سندھ نے کہا کہ حکومت چاھتی ہے کہ کاروباری سرگرمیوں کیلئے بنائی گئی ایس او پیز کے تحت رعایت دی جائے، ابھی مشاور جاری ہے، مکمل ہونے پر عوام کو آگاہ کیا جائے گا۔

ناصر حسین شاہ نے اپنے بیان میں یہ بھی کہا کہ وزیراعلی سندھ کی اولین ترجہی عوام کی صحت اور زندگیوں کو محفوظ بنانا ہے۔

وزیراطلاعات سندھ ناصر حسین شاہ نے مزید کہا کہ فی الحال صرف ان لائن کاروبار کہ اجازت دی گئی ہے جبکہ حفاظتی اقدامات کے بعد ایس او پیز کے مطابق کاروباری سرگرمیاں شروع کرنے کی اجازت دی جائے گی۔

سندھ میں لاک ڈاؤن میں نرمی کا فیصلہ؟

واضح رہے اس سے قبل وازیراعلیٰ ہائوس میں وزیراعلیٰ سندھ مراد علی شاہ کی صدارت اہم اجلاس ہوا ، جس میں میں مشروط طور مارکیٹیں اور کاروبار کھولنے کی تجاویز کی گئی جبکہ کورونا ٹاسک فورس کا محکمہ صحت کی کارکردگی پر تشویش کا اظہار کیا۔

بول نیوز کو ملنے والی وزیراعلیٰ سندھ مراد علی شاہ کی صدارت اندرونی کہانی کے مطابق سندھ میں لاک ڈاؤن میں نرمی کرتے ہوئے سمارٹ لاک ڈائون یعنی لاک ڈائون میں نرمی کرنے  پر غور کیا گیا اور کورونا کے باعث تاجروں کو کاروبار سے متعلق درپیش مسائل پر  بھی بات ہوئی۔

وزیراعلیٰ نے کہا تھا کہ وفاقی حکومت کے باعث کورونا سے نمٹنے کے لیے اب صوبے میں لاک ڈائون میں نرمی کرنے پڑے گی، سندھ اکیلا کچھ نہیں کرسکتا۔