پاکستان میں کرونا وائرس سے مزید 11 افراد جان کی بازی ہار گئے ، جس کے بعد اموات کی تعداد 248 ہوگئی جبکہ متاثرہ مریضوں کی تعداد 11729 ہوگئی ہے۔

تفصیلات کےمطابق آج سندھ میں کورونا سے 2 اور بلوچستان میں بھی کورونا سے 3، خیبرپختونخوا میں کرونا سے 4 جبکہ پنجاب میں کرونا سے 3 اموات ہوئی جس کے بعد ملک بھر کورونا وائرس سے جاں بحق افراد کی مجموعی تعداد 248 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 75 ، بلوچستان میں 10 ، خیبرپختونخوا میں 89 ، اسلام آباد میں 3، گلگت بلتستان میں 3 ، پنجاب میں 68 افراد جان کی بازی ہار چکے ہیں۔

یاد رہے اس سے قبل محکمہ صحت سندھ نے اپنے ایک بیان میں کہا کہ کراچی میں کورونا وائرس میں مبتلا 2 مریض دم توڑ گئے، جس کے بعد صوبے بھر میں اموات کی مجموعی تعداد 75 ہوگئی ہے۔

دوسری جانب ترجمان پرونشل ڈیزاسٹر منیجمنٹ اتھارٹی نے اپنے ایک بیان میں کہا کہ پنجاب میں آج کورونا وائرس سے متاثرہ 3 افراد دم توڑ گئے جس کے بعد صوبے میں اموات کی مجموعی تعداد 68 ہو گئی۔

پاکستان میں کرونا سے مزید 21 افراد جان کی بازی ہار گئے

دریں اثناء محکمہ اطلاعات خیبرپختونخوا نے اپنے ایک بیان میں کہا کہ خیبر پختونخوا میں آج مزید 4 متاثرہ افراد جان کی بازی ہار گئے جس کے بعد صوبے میں اموات کی تعداد 89 تک پہنچ گئی جبکہ بلوچستان میں بھی آج کورونا وائرس سے متاثرہ 2 افراد انتقال کر گئے جس کے بعد بلوچستان میں کورونا وائرس سے جاں بحق افراد کی تعداد 10 ہو گئی ہے۔

واضح رہے گزشتہ روز بھی پاکستان میں کرونا وائرس سے مزید 21 افراد جاں بحق ہوگئے تھے اعدادوشمار کے مطابق گزشتہ روز سندھ میں کورونا سے 5 اور خیبرپختونخوا میں کورونا سے 6 جبکہ بلوچستان میں 1 اور پنجاب میں کرونا سے 9 اموات ہوئی تھی جس کے بعد ملک بھر کورونا وائرس سے جاں بحق افراد کی مجموعی تعداد 209 ہوگئی تھی۔