وزیر خارجہ مخدوم شاہ محمود قریشی کا کہنا ہے کہ حکومت اٹھارویں ترمیم کو ختم کرنے کا کوئی ارادہ نہیں رکھتی ۔

پارلیمنٹ میں میڈیا سے گفتگو  کرتے ہوئے وزیر خارجہ مخدوم شاہ محمود قریشی نے کہا کہ  اٹھارہویں ترمیم کی اہمیت اور افادیت سے کوئی انکار نہیں کر رہا لیکن حکومت اٹھارویں ترمیم کو ختم کرنے کا کوئی ارادہ نہیں رکھتی ہے۔

وزیر خارجہ نے کہا کہ   لیکن دیکھنا ہے کہ کیا اس کی روح پر عمل ہوا جس مقصد  کے لیے  اٹھارہویں ترمیم لائی گئی۔

شاہ محمود قریشی نے مزید کہا کہ  صرف مرکز کی طرف نہ دیکھیں صوبے اپنا نظام وضع کریں۔صوبوں کو مرکزی حکومت کے ساتھ بیٹھ کر اس سارے عمل کا ازسرنو جائزہ لینا ہو گا۔