اسپیکر قومی اسمبلی اسد قیصر نے کورونا کو شکست دے دی۔

تفصیلات کے مطابق اسپیکر قومی اسمبلی کے بھائی وحید قیصر نے اپنے ایک بیان میں کہا کہ اسپیکر قومی اسمبلی اسد قیصر کا دوسرا کورونا وائرس ٹیسٹ نیگیٹو آیا ہے۔

اسد قیصر کورونا وائرس سے متاثر ہوکر ہسپتال میں زیر علاج تھے طبیعت میں بہترے کے بعد آج انھیں اسپتال سے انکی رہائش گاہ منتقل کیا گیا ہے۔

اسپیکر قومی اسمبلی کے بھائی وحید قیصر نے مزید کہا کہ اسد قیصر جلد اپنے فرائض منصبی سنبھالیں گے۔

اسپیکر قومی اسمبلی اسد قیصر بھی کورونا کا شکار

یاد رہے کہ کچھ روز قبل کرونا وائرس کا شکار ہونے والے اسپیکر قومی اسمبلی اسد قیصر کی کرونا وائرس کے باعث طبیعت بگڑ گئی جنہیں تشویشناک حالت میں ہسپتال منتقل کردیا گیا تھا۔

خیال رہے کہ اسپیکر قومی اسمبلی اسد قیصر نے کرونا وائرس کا ٹیسٹ مثبت آنے پر خود کو گھر میں آئسولیٹ کر لیا تھا، اسپیکر قومی اسمبلی کے علاوہ ان کے بچے بھی کرونا وائرس کا شکار تھے جو ان کے ساتھ ہی گھر میں آئسولیٹ تھےتاہم ان کے بچوں کی حالت خطرے سے باہر ہے۔