رویت ہلال کمیٹی نے محکمہ موسمیات کو عید ( شوال المکرم) کے چاند کی پیشگوئی کرنے سے روک دیا ہے۔

تفصیلات کے مطابق   رویت ہلال کمیٹی کی جانب سے  وزارت مذہبی امور کے ذریعے محکمہ موسمیات کو شوال المکرم کے چاند کی پیشگوئی کرنے سے روکا گیاہے۔

وزارت مذہبی امور نے کہا ہے کہ  محکمہ موسمیات چاند سے متعلق کوئی پیشگوئی نہ کرے۔چاند دیکھنے کے لیے محکمہ موسمیات رویت ہلال کمیٹی کی معاونت کرے۔

یاد رہے کہ محکمہ موسمیات اس سے قبل ہی شوال المکرم کے چاند کی پیشگوئی کر چکا ہے۔

محکمہ موسمیات کاکہنا ہے کہ 29 رمضان یعنی 23 مئی کو چاند نظر آنے کے امکانات کم ہیں جبکہ 30 رمضان یعنی 24 مئی کو چاند نظر آنے کے قوی امکانات ہیں اور یکم شوال 25مئی 2020 کو ہونے کا امکان ہے۔

محکمہ موسمیات کے مطابق 24 مئی کو 7  بج کر13منٹ پرسورج غروب ہونا شروع ہو گا اور 7  بج کر54منٹ پر سورج  مکمل غروب ہوجائے گا۔