انڈس اسپتال میں کورونا کے مریضوں کے لئے جگہ ختم ہوگئی ۔

تفصیلات کے مطا بق انڈس اسپتال آنے والے کورونا کے مریضوں کو مشکلات کا سامنا ہے کیونکہ کورونا کے مریضوں کے لئے اسپتال میں  جگہ ختم ہو چکی ہے۔

  ترجمان انڈس اسپتال کا اپنے بیان میں کہنا ہے کہ کورونا کے کیسز بڑھ جانے کے باعث جگہ ختم ہوگئی ہے۔

ترجمان انڈس اسپتال نے کہا کہ انڈس اسپتال میں 28 بستروں پر مشتمل کووڈ وارڈ بنایا گیا تھا جبکہ 28 میں سے 15 بستر وینٹیلیٹر پر مشتمل ہیں جو مریضوں سے بھر گئے ہی ۔

  ترجمان انڈس اسپتال نے  یہ بھی کہا کہ اب مزید مریضوں کو وارڈ میں داخل کرنے کی گنجائش ختم ہوگئی ہے، کورونا کی علامات کے ساتھ آنے والے مریضوں کے کورونا کے ٹیسٹ کئے جارہے ہیں۔

اس سے قبل کراچی کے معروف انڈس اسپتال کے 8 ڈاکٹرز میں کورونا وائرس کی تصدیق ہوگئی تھی۔

کورونا مریضوں کی تعداد 59850 تک پہنچ گئی

اسپتال انتظامیہ کے مطابق ڈاکٹرز کورونا وائرس ایمرجنسی کے دوران مسلسل اپنے فرائض انجام دے رہے تھے۔ 6 ڈاکٹرز ایمرجنسی میں جبکہ دو کورونا وارڈ میں متاثر ہوئے۔

اندس اسپتال کے چیف ایگزکٹیو آفیسر ڈاکٹر عبدالباری نے کہا تھا کہ لوگ احتیاط کریں، ورنہ اسپتالوں میں جگہ نہیں رہے گی۔ شہری احتیاط کریں ، ورنہ اسپتال بوجھ اٹھانے کے قابل نہیں رہیں گے۔

واضح رہے کہ ملک میں آج کورونا سے ہونے والی اموات کی مجموعی تعداد 1231ہو گئی ہے جب کہ نئے کیسز سامنے آنے کے بعد مریضوں کی تعداد 59850 تک پہنچ گئی ہے۔

اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 416 افراد انتقال کرچکے ہیں جب کہ سندھ میں 380 اور پنجاب میں 362 افراد جاں بحق ہو چکے ہیں۔

اس کے علاوہ بلوچستان میں 42، اسلام آباد 18، گلگت بلتستان میں 9 اور آزاد کشمیر میں مہلک وائرس سے 4 افراد جاں بحق ہو چکے ہیں۔