ٹرانسپورٹرز کے تحفظات کے معاملات پر وزیر اطلاعات پنجاب فیاض الحسن چوہان نے کہا ہے کہ پبلک ٹرانسپورٹ کامسئلہ حل ہوجائے گا۔

انہوں نے کہا کہ ٹرانسپورٹرز کے تحفظات کاجائزہ لیا جائے گا کیونکہ حکومت ہر شعبے کو ریلیف فراہم کرنا چاہتی ہے۔

وزیر اطلاعات پنجاب نے کہا ہے کہ ایس او پیز مسافروں اور ٹرانسپورٹرز کے اپنے مفاد میں ہیں اور اس ضمن مین ٹرانسپورٹرز سے دوبارہ بات کرکے مسئلہ حل کردیا جائے گا۔

یاد رہے کہ پنجاب میں پبلک ٹرانسپورٹ جزوی طور پربحال ہوگئی ہے تاہم ایک دھڑے نے حکومتی ایس او پیز تسلیم کرنے سے انکار کرتے ہوئے گاڑیاں نہ چلانے کا اعلان کیا ہے۔

تاجروں کا مارکیٹ کے اوقات کار بڑھانے کا فیصلہ

لاہور سمیت مختلف شہروں میں پبلک ٹرانسپورٹ جزوی طور پر کھل گئی ہے جب کہ آل پاکستان پبلک ٹرانسپورٹ ایسوسی ایشن کے چئیرمین عصمت اللہ نیازی نے دیگر عہدیداروں کے ہمراہ پریس کانفرنس سے خطاب کرتے ہوئے کہا تھا کہ حکومت کی جانب سے بتائے گئے ایس او پیز کچھ اور تھے اب نظر کچھ اور آرہے ہیں۔

انہون نے کہا کہ ہماری مشاورت سے بنائے گئے ایس او پیز پر عمل درآمد نہیں کروایا گیا تو گاڑیاں نہیں چلائیں گے۔

دوسری جانب صدر انصاف ٹرانسپورٹ ورکر فیڈریشن شکیل اشرف بٹ نے اتوار کی رات 12 بجے سے تمام ٹرانسپورٹ فعال کرنے کا اعلان کردیا ہے جس کے بعد ٹرانسپورٹ چلانے کے معاملے میں پنجاب کے ٹرانسپورٹر دو دھڑوں میں تقسیم ہوگئے ہیں۔

شکیل اشرف نے پریس کانفرنس میں کہا کہک امید کرتے ہیں کہ وزیر اعلی پنجاب ہمیں مکمل تحفظ فراہم کریں گے۔

انصاف ٹرانسپورٹ ورکرز فیڈریشن کے رہنما مرزا شہزاد کا کہنا تھا کہ دو مہینوں سے ٹرانسپورٹ بند ہونے سے مالی مشکلات کا شکار ہوئے ہیں۔ حکومت نے جو ایس او پیز تیار کی ہیں وہ کافی آسان ہیں۔ ٹرانسپورٹ بھائیوں اور دیگر تنظیموں کی کاوشوں سے ٹرانسپورٹ کو کھول دیا گیا۔ گاڑیوں کو ڈس انفیکٹ کرنا، ہینڈ سینیٹائزر ماسک کا استعمال کرنا ہے