امیرجماعت اسلامی سراج الحق نے کہا ہے کہ یورپی یونین مسئلہ کشمیرکےحل کیلئے اپنا کردار ادا کرے۔

تفصیلات کے مطابق ‏امیرجماعت اسلامی سراج الحق سےاسلام آباد میں پرتگال کے سفیرپاولو نیویز کی ملاقات ہوئی۔

‏ سراج الحق نے کہا کہ مسئلہ کشمیراقوام متحدہ کے چارٹر پر کئی دہائیوں سےحل طلب ہے، پاکستان اور پرتگال کےعوام کےباہمی روابط بہتربنانےکی ضرورت ہے۔

‏ امیرجماعت اسلامی سراج الحق نے مزید کہا کہ بھارتی فوج کورونا کو بھی کشمیریوں کےخلاف ہتھیارکےطورپراستعمال کررہی ہے، عوامی رابطوں سے تعلیم، صحت اور روزگار سمیت اہم شعبوں میں تعاون بڑھے گا۔

وفاق اور صوبوں میں جاری کشمکش سے نقصان عوام کا ہورہا ہے، سراج الحق

واضح رہے اس سے قبل بھی امیر جماعت اسلامی سینیٹر سراج الحق نے اپنے بیان میں کہا تھا کہ حکومت سرمایہ کاروں کوسہولتیں دے تو ملک معاشی بحران سے نکل سکتا ہے۔

امیر جماعت اسلامی نے کہا تھا کہ صنعتکاروں اور تاجروں میں ملک و قوم کی خدمت کا جذبہ کوٹ کوٹ کر بھرا ہوا ہے۔

انہوں نے یہ بھی کہا تھا کہ ظالمانہ ٹیکس نظام نے کاروباری طبقے اور عام لوگوں کی زندگی اجیرن کردی ہے۔

امیر جماعت اسلامی نے مزید  کہا تھا کہ حکومت لاک ڈاؤن کے ایس او پیز پر عمل درآمد کروانے میں ناکام رہی ہے۔