کورونا وائرس کی پیش نظر آزاد کشمیر کو ایک بار پھر دو ہفتوں کے لئے مکمل لاک ڈاون کرنے کا فیصلہ کرلیا گیا ہے۔

تفصیلات کے مطابق کورونا وائرس کے پھیلاؤ کے خدشے کے پیش نظر حکومت کی جانب سے کیے جانے والے مکمل لاک ڈاون کے فیصلے کے مطابق عمل درآمد شروع کردیا گیا ہے۔

آزاد کشمیر میں میڈیکل اسٹورز، کھانے پینے کی اشیاء کے علاوہ اکثر و دیگر کاروباری بھی بند کردیئے گئے ہیں۔

مکمل لاک ڈاؤن کے فیصلے کے مطابق آزاد کشمیر کے 11 انٹری پوائنٹس پر اقدامات مزید سخت کر دئیے گئے ہیں جبکہ مارکیٹیں،شاپنگ مالز بھی بند کر دیئے گئے ہیں۔

کورونا وائرس کی روک تھام کیلئے دارالحکومت مظفرآباد سمیت ریاست بھر میں مکمل لاک ڈاؤن کردیا گیا ہے جس پر عمل درآمد کے بعد مکمل لاک ڈاؤن کے باعث عوام کو غیر ضروری سفر سے روک دیا گیا ہے۔

آزاد کشمیر میں کاروباری مراکز بند ہونے کے باعث روز مرہ کا نظام زندگی بری طرح متاثر ہو گیا ہے۔

خیال رہے کہ مرکزی انجمن تاجران آزاد کشمیر و تاجر جائنٹ کمیٹی مظفرآباد نے حکومتی لاک ڈاؤن کو مسترد کر دیا ہے اور کہا ہے کہ حکومت کے ساتھ گذشتہ فارمولے کے تحت کاروبار جاری رکھیں گے کسی نیے نوٹیفیکیشن کو نہیں مانتےکل سے کاروباری مراکز کھول دینگے ۔