وزیرخارجہ شاہ محمود قریشی نے کہا ہے کہ ہندوستان کورونا کی آڑ میں اپنے عزائم پورے کر رہا ہے، ہم بلاوجہ اشتعال نہیں چاہتے اگر انڈیا حماقت کرئے گا تو مناسب جواب کو منتظر رہے ۔

تفصیلات کے مطابق وزیر خارجہ شاہ محمود قریشی نے ملتان میں میڈیا سے گفتگوکرتے ہوئے کہا کہ بھارت مقبوضہ کشمیر میں فالز فلیگ اپریشن کی تیاری کر ریا ہے جبکہ حکومت پاکستان کی خواہش ہے کہ امن کیلئے سازگار ماحول دیا جائے، خطے میں بھارت ایڈ ونچر کرنا چاہتا ہے عالمی طاقتیں نوٹس لیں

شاہ محمود قریشی نے کہا کہ مقبوضہ کشمیر کی صورتحال ڈھکی چھپی نہیں، کورونا کےبعد توقع تھی کہ بھارت کشمیر میں نرمی کرے گا، بد قسمتی سےایسا نہیں ہوا، بھارت کی کوشش ہے کہ کشمیر کو مسلم اقلیت اسٹیٹ میں تبدیل کیا جائے۔

وزیرخارجہ نے کہا کہ ہم نے افغانستان کو ہر طریقے سے فیسلیٹیٹ کرنے کی کوشش کی ہے۔

 شاہ محمود قریشی کا کہنا تھا کہ افغانستان میں گزشتہ دنوں میں دہشت گردی کے افسوس ناک حملے ہوئے، افغانستان کے ساتھ مل کر دہشت گردی پر غلبہ پائیں گے اور اس خطے سے اسے نکال پھیکیں گے۔

پاکستان تمام اہم فورمز پر بھارت کے عزائم کو بے نقاب کر چکا ہے، وزیرخارجہ

وزیرخارجہ کا یہ بھی کہنا تھا کہ زرعت کا شعبہ ہی ہمیں کورونا سے پیش آنے والی مشکلات سے نکال سکتا ہے، عمران خان کسانوں کو ریلیف دینے کے لیے پیکج دے رہے ہیں جبکہ کسانوں کو کھاد کی قیمتوں میں بھی پیکج دیا جائے گا۔

شاہ محمود قریشی کا کہنا تھا کہ بہت بڑی تعداد پاکستانیوں کی پھنس گئی تھی، ہزاروں کی تعداد میں بیرون ملک پھنسے پاکستانی واپس پہنچ چکے ہیں۔

اپنے بیان میں ان کا یہ بھی کہنا تھا کہ صرف پاکستانیوں کو واپس لانا ہی نہیں ہے بلکہ انکے ٹیسٹ بھی کرنا ہے اور اگر ایک مثبت آتا ہے تو اس کے دائیں بائیں اگے پیچھے کی سواریوں کو بھی کوارنٹن کرنا پڑتا ہے۔

وزیرخارجہ شاہ محمود قریشی کا مزید کہنا تھا کہ اسلام آباد کے بعد منتیں کرکے دیگر صوبوں کے ائیرپورٹ کھلوائے گئے اور اگر صوبے سیلف کوارنٹن کی اجازت دیں تو ہم اور تعداد میں پاکستانیوں کو لا سکتے ہیں