گلگت میں پاک فوج کی جانب سے خصوصی افراد میں عید کے تحائف تقسیم کر دئیے گئے ۔

تفصیلات کے مطابق آئی ایس پی آر سب آفس گلگت  کے ترجمان کا کہنا ہے کہ گلگت میں فورس کمانڈر کی طرف سے 500 معذور افراد میں تحائف تقسیم کئے گئے۔

آئی ایس پی آر نے کہا کہ تحائف تقسیم کرنے کا مقصد خصوصی افراد کو اپنے خوشیوں شریک کرنا ہے۔

اس موقع پر خصوصی افراد نے پاک فوج کی جانب سے تحائف دینے پر شکریہ ادا کیا اور کہا کہ فورس کمانڈر میجر جنرل احسان محمود خان نے عید کے موقع پر ہمیں یاد رکھا۔

پاک فوج کی زیر نگرانی تباہ ہونے والے طیارے کا ملبہ اٹھانے کا کام جاری

دوسری جانب پاک فوج کی زیر نگرانی تباہ ہونے والے طیارے کا ملبہ اٹھانے کا کام جاری ہے۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کی زیر نگرانی رات کے اس وقت بھی ریسکیو آپریشن جاری ہے، ہیوی مشینری اور کرینوں کی مدد سے طیارے کا ملبہ اٹھایا جارہا ہے۔

ترجمان پاک فوج کے مطابق سینئر افسران کی نگرانی میں سرچ اینڈ ریسکیو آپریشن انجام دیا جارہا ہے۔