صوبائی وزیر صنعت میاں اسلم اقبال نے کہا ہے کہ ایس او پیز کی خلاف ورزی پر دکان نہیں پوری مارکیٹ سیل کر دیں گے۔

تفصیلات کے مطابق صوبائی وزیر صنعت میاں اسلم اقبال نے اپنے ایک بیان میں کہا کہ دکانیں، شاپنگ مالز اور بازار ہفتے میں چار دن کاروبار کی اجازت ہے جبکہ تین دن مکمل لاک ڈاون رہے گا۔

صوبائی وزیر صنعت  نے کہا کہ سوموار، منگل، بدھ اور جمعرات تک کاروبار کی اجازت ہوگی، بازاروں میں ایس او پیز کی خلاف ورزی کسی صورت برداشت داشت نہیں کی جائے۔

اپنے بیان میں  میاں اسلم اقبال نے یہ بھی کہا کہ بازاروں میں کل سے کاروباری مراکز پر حکومتی ایس او پیز پر تاجر تنظیموں کی مدد سے عملدر آمد کرایا جائے گا۔

تاجروں کا  24 گھنٹے دکانیں کھولنے کا مطالبہ

صوبائی وزیر صنعت میاں اسلم اقبال نے مزید کہا کہ برآمدی انڈسٹری سے منسلک کاروبار، آٹو موبیل انڈسٹری، پاور لومزکو کھول دیا گیا ہے اور مانیٹرنگ ٹیمیں انڈسٹریل یونٹس، فیکٹریوں میں ایس او پیز پر عملدرآمد کا معائنہ کریں گی۔

  دوسری جانب  صدرال پاکستان انجمن تاجراں کے  خالد پرویز نے اپنے ایک بیان میں24 گھنٹے دکانیں کھولنے کا مطالبہ کردیا ۔

صدرال پاکستان انجمن تاجراں کے  خالد پرویز نے کہا ہے کہ اگر حکومت نے دکانیں کھولنے کی اجازت نہ دی تو تاجر خود ہی دکانیں کھولنے پر مجبور ہوں گے۔

واضح رہے کہ اس سے قبل کورونا سے بچاو کی احتیاطی تدابیر پر عمل درآمد کا جائزہ لینے کیلئے لاہور چیمبر میں صوبائی وزیر صنعت  میاں اسلم اقبال’چیمبر قائدین اور تاجر رہنماوں کا اہم مشترکہ اجلاس ہوا تھا۔

صوبائی وزیرمیاں اسلم اقبال کورونا بچاو کی احتیاطی تدابیر عمل درآمد نہ ہونے پر تاجرقائدین پر برس پڑے۔

صوبائی وزیر  میاں اسلم اقبال نے کہا تھا کہ مارکیٹوں میں گاہکوں اور تاجران کے ٹیسٹ بھی کریں گے جس مارکیٹ سے زیادہ کیسز اسے دوبارہ سیل کردیا جائے گا۔

 میاں اسلم اقبال نے مزید کہا تھا کہ تاجران نے چند پیسوں کی خاطر لوگوں کی زندگیاں داو پرگا دیں