کراچی کے علاقے لیاقت آباد انگارہ گوٹھ میں6 منزلہ رہائشی عمارت ٹیڑھی ہوگئی، عمارت میں تیسری منزل تک رہائش ہے۔

عمارت ٹیڑھی ہونےکےباعث اطراف کی عمارتوں میں بھی دراڑیں پڑگئیں جبکہ متاثرہ عمارت میں رہائشی فیملیز تاحال موجود ہیں

متاثرہ عمارت میں رہائشی تین فیملیز تا حال موجود ہیں، عمارت کے اطراف میں رہائشیوں میں خوف و ہراس پھیل گیا ہے جبکہ اطلاع ملنے پر پولیس موقع پر پہنچ گئی ہے۔

 پولیس کا کہنا ہے کہ عمارت کے ٹیڑھی ہونے کے حوالے سے متعلقہ اداروں کو آگاہ کردیا گیا ہے جس پر ایس بی سی اے اور دیگر ادارے عمارت کا جائزہ لیں گے جس کے بعد آگے کا لائحہ عمل طے ہوگا۔

یاد رہے کہ عمارت حال ہی میں تعمیر ہوئی ہے صرف ایک حصے میں تین خاندان رہائش پذیر ہیں جنہیں محفوظ مقام پر منتقل کردیا ہے۔