مرکزی رویت ہلال کمیٹی کے چیئرمین مفتی منیب الرحمن نے کہا ہے کہ ہم نے شریعت کے مطابق فیصلہ کیا، فواد چوہدری کی کوئی حیثیت نہیں ہے۔

 تفصیلات کے مطابق آج شوال المکرم کے چاند کی رویت کا شرعی فیصلہ کرنے کے لیے اجلاس منعقد ہوا ، جس میں مرکزی رویت ہلال کمیٹی کے ارکان شریک ہوئے۔

اجلاس نے بعد مرکزی رویت ہلال کمیٹی کے چیئرمین مفتی منیب الرحمن نے گفتگو کرتے ہوئے کہا کہ مرکزی رویت ہلال کمیٹی کی جانب سے پوری قوم کو عید الفطر کی مبارک باد پیش کرتا ہوں۔

چیئرمین رویت ہلال کمیٹی مفتی منیب الرحمان نے اعلان کیا ہے کہ ملک میں شوال المکرم 1441 ہجرہی کا چاند نظر آگیا ہے، عیدالفطر کل 24 مئی بروز اتوار کو ہوگی۔

اس موقع پرمفتی منیب الرحمن نے کہا کہ مختلف مقامات سے شہادت کافی تعداد میں موصول ہوئی، شہادت کو تصدیق کرنے میں کافی وقت لگا۔

مرکزی رویت ہلال کمیٹی کے چیئرمین مفتی منیب الرحمن نے مزید کہا کہ فواد چوہدری کو مداخلت نہیں کرنی چاہیے کیونکہ فواد چوہدری کی کوئی حیثیت نہیں ہے ہم نے شریعت کے مطابق فیصلہ کیا ہے۔

شوال کا چاند نظر آگیا، عید الفطر کل ہوگی

یاد رہے کہ مرکزی رویت ہلال کمیٹی کو فیصل آباد، کشمور، لاہور، رحیم یار خان، صادق آباد، ٹیکسلا، پسنی خان پور، لورا لائی، ژوب، خان پور، گھوٹکی، کوئٹہ شکارپور، جیکب آباد سے شہادتیں موصول ہوئیں۔

شوال کا چاند دیکھنے کے لیے مرکزی رویت ہلال کمیٹی کا اجلاس چیئرمین مفتی منیب الرحمان کی زیر صدارت کراچی میں ہوا۔