وزیراعلیٰ پنجاب سردار عثمان بزدار نے وہوا میں تعمیر و ترقی کے تاریخی پیکیج کا اعلان کردیا ہے۔

وزیراعلیٰ عثمان بزدار نے وہوا میں 15محکموں کے زیر اہتمام 47 چھوٹے بڑے ترقیاتی منصوبے شامل ہیں۔

اس موقع پر وزیراعلیٰ پنجاب نے کہا کہ وہوا آر ایچ سی کو ٹی ایچ کیو،2بنیادی مراکز صحت اور ایک سول ڈسپنسری کو بھی اپ گریڈکیا جائے گا اور چرکن میں نئی سول ڈسپنسری بنائی جائے گی۔

سردار عثمان بزدار نے یہ بھی کہا کہ وہوا میں ٹاؤن کمیٹی کی عمارت بھی تعمیر کی جائے گی جبکہ وہوا اور کوٹ قیصرانی میں فیملی پارک بنیں گے اور محکمہ آبپاشی وہوا میں 3ترقیاتی منصوبے شروع کرے گا۔

وزیراعلیٰ پنجاب کا کہنا تھا کمہ وہوا میرا دوسرا گھر ہے، وہوا لینڈ ریکارڈ اتھارٹی سنٹر کو فنکشنل اور متعدد دیہات میں بجلی کی فراہمی کے منصوبے مکمل کرائے جائیں گے  جبکہ تعمیر وترقی میں کوئی کسر نہیں چھوڑوں گا ، پھگلی،پاجل او رکوہ سلیمان کے دیگر ملحقہ دیہات کو بجلی ملے گی۔

ایس او پیز پر عمل نہ کرنے والوں کے خلاف ایکشن ہوگا، وزیراعلیٰ پنجاب

 عثمان بزدار کا اپنے بیان میں یہ بھی کہنا تھا کہ وہوا شہر کی داخلی سڑکیں بھی بنائی جائیں گی، وہوا میں محکمہ تعمیرات ومواصلات 10سڑکو ں کی تعمیر ومرمت کرے گا۔

وزیراعلیٰ پنجاب نے کہا کہ نیشنل ہائی وے اتھارٹی انڈس ہائی وے این 55  کے سیکشن رمک تا ڈیرہ غازی خان کی جلد تعمیرو مرمت یقینی بنائے جبکہ ہاؤسنگ ڈیپارٹمنٹ وہوا شہرمیں سٹریٹ لائٹس، فراہمی آب، فلٹریشن پلانٹس اورہینڈ پمپ لگائے گا۔

 عثمان بزدار نے یہ بھی کہا کہ لکھنی میں پولیس چیک پوسٹ قائم کی جائے گی ، انڈس ہائی وے پر ریسکیو 1122 سنٹر قائم کیاجائے گا اور وہوا کے پولیس سٹیشن کو ماڈل تھانے کا درجہ دیا جائے گا۔

وزیراعلیٰ پنجاب سردار عثمان بزدار نے مزید کہا کہ وہوا کے سکولوں میں شمسی توانائی کے ذریعے بجلی فراہم کی جائے گی  جبکہ وہوا کے بوائز کالج میں ہوسٹل او رگرلز کالج کو بی ایس لیول تک اپ گریڈ کیا جائے گا۔