حکومت پنجاب کی جانب سے صوبے بھر میں ریسٹورنٹس کھولنے کا فیصلہ کرلیا گیا ہے۔

تفصیلات کے مطابق لاہور میں وزیراعلٰی عثمان بزدار کے زیرصدارت آج ہونے والے اجلاس میں اہم فیصلے کرلیے گئے ہیں جس کے مطابق صوبے بھر میں اب سے جمعہ، ہفتہ اور اتوار کو بازار اور  شاپنگ مالز بند رکھنے کا فیصلہ کرلیا گیا ہے۔

 پنجاب حکومت کی جانب سے وفاقی حکومت سے بھی ریسٹورنٹس کھولنے کی سفارش کردی گئی ہے۔

یاد رہے کہ اب سے 2 ماہ قبل کورونا وائرس کی وباء کے باعث پنجاب سمیت ملک بھر میں مکلمل لاک ڈاؤن کردیا گیا تھا جس کی زد میں آکر ملک بھر کے تمام ریسٹورینٹ، شاپنگ مالز و دیگر جگہوں کو عوام کے لئے بند کردیا گیا تھا۔

خیال رہے کہ اس وقت ملک بھر میں پنجاب صوبہ کورونا وائرس کے مریضوں کی تعداد کے حوالے سے دوسرا بڑا صوبہ ہے۔