کراچی میں رینجرز اہلکاروں نے طیارے حادثے میں جاں بحق مسافروں کا سامان پاکستان قومی ایئرلائن حکام کے حوالے کردیا ہے۔

تفصیلات کے مطاب رینجرز کی جانب سے جو سامان پی آئی اے حکام کے حوالے کیا گیا ہے اس میں طیارے کے ملبے سے 3 کروڑ24 ہزار300 روپے مالیت کے جلے ہوئے جب کہ 16 لاکھ 67 ہزار692 صحیح حالت میں پاکستانی کرنسی نوٹ ملے ہیں ، اس کے علاوہ ملبے سے 70 برطانوی پاؤنڈز اور 625 امریکی ڈالرز بھی ملے ہیں۔

ترجمان رینجرز کے مطابق طیارے کے ملبے سے ملنے والے سامان میں موبائل فونز، لیپ ٹاپ، ٹیبلیٹ کمپویٹرز، طلائی جیولری، الیکٹرونک سامان، گھریلو اشیا، ہینڈ بیگز، سفری بیگز، لیڈیز اور جینٹس پرس، پاسپورٹس اور دیگر قیمتی اشیاء شامل ہیں۔

یاد رہے کہ پی آئی اے حکام کی جانب سے پاکستان رینجرز کو ریسکیو آپریشن پر خراج تحسین پیش کیا گیا ہے۔