پی آئی اے کے سی ای او ایئر مارشل ارشد ملک کا کہنا ہے کہ عیدیں آتی رہیں گی لیکن لواحقین کی خدمت کرنا اولین ترجیح ہے، اس مشکل وقت میں ہم اپنا حصہ ڈالنا چاہتےہیں۔

ارشد ملک نے طیارہ حادثے میں جاں بحق افراد سے متعلق کہا کہ 14  شہداء کی ڈیڈ باڈیز لواحقین کے حوالے کردیں گئی ہیں جبکہ ڈی این اے کی ٹیم نے اپنا کام شروع کردیا ہے جس کے مطابق جیسے جیسےڈی این اے ملکمل ہوگا شہدا کی باڈیزلواحقین کودیتے رہیں گے۔

ارشد ملک نے ایمرجنسی ریسپانس سینٹرمیں خصوصی گفتگو کرتے ہوئے کہا ہے کہ لواحقین کی مدد کیلئے ہر لمحہ پی آئی اے کی ٹیم موجود رہے گی اور اسی طرح پی آئی اے کو باعث فخر بنائیں گے۔

ان کا کہنا تھاکہ لواحقین کسی بھی وقت پی آئی اے کال سینٹر کے ذریعے رابطہ کر کے تازہ ترین صورت حال جان سکتے ہیں۔