وزیراعظم کے معاون خصوصی ڈاکٹر شہباز گل نے کہا ہے کہ خواجہ آصف اور احسن اقبال نے  ڈھٹائی اور دیدہ دلیری سے غلط بیانی کی ہے۔

تفصیلات کے مطابق وزیراعظم کے معاون خصوصی ڈاکٹر شہباز گل نے مسلم لیگ ن کی قیادت کو جواب دیتے ہوئے کہا کہ خواجہ آصف اور احسن اقبال نے  ڈھٹائی اور دیدہ دلیری سے غلط بیانی کی یہ کہتے ییں کہ کورونا کی وباء کے دوران کوئی واضع ہیلتھ پالیسی نظر نظر آئی۔

وزیراعظم کے معاون خصوصی نے کہا کہ مودی ہوں، ٹرمپ ہوِ، بورس جانسن ہوں، اور کئی لوگوں کو اپنی پالیسی تبدیل کرنا پڑی جبکہ وزیر اعظم پہلے دن سے سماجی فاصلہ رکھنے اور اپنے بزرگوں کا خیال رکھنے کی ہدایت دے رہے ییں۔

ڈاکٹر شہباز گل نے یہ بھی کہا کہ پاکستان میں 40  فیصد سے زیادہ لوگ سطح غربت سے نیچے زندگی گزار رہے ہیں ، ان میں سے 24 اعشاریہ 9 فیصد انتہائی کسمپرسی کی زندگی گزار رہے ہیں اس طرح کے ملک میں لمبا َلاک ڈاون نہیں رکھ سکتے۔

سندھ حکومت کے وزراء مسلسل غلط بیانی کر رہے ہیں، شہباز گل

وزیراعظم کے معاون خصوصی کا کہنا تھا کہ وزیر اعظم سمجھتے ہیں کہ اگر سخت لاک ڈاون کیا تو  معیشت بوجھ برداشت نہیں کرسکے گی جبکہ اگر کورونا وائرس ختم ہونے کا معلوم ہو تو لاک ڈاون بارے سوچا جا سکتا ہے۔

ڈاکٹر شہباز گل کا یہ بھی کہنا تھا کہ وزیر اعظم کے خیال میں سخت لاک ڈاون سے غریب لوگ زیادہ متاثر ہوں گے اور اسی تناظر میں احساس پروگرام کے تحت 1 کروڑ 20 خاندانوں ک امداد دی گئی۔

وزیراعظم کے معاون خصوصی نے کہا کہ احساس جیسے امدادی پرگرام کی کہیں مثال نہیں ملتی،25 لاکھ چھوٹے گھرانوں، 50 لاکھ بیروزگار ہونے والوں کے لئے امدادی دیا۔

ڈاکٹر شہباز گل نے یہ بھی کہا کہ پاکستان کے مجموعی گھرانے ساڑھے تین کروڑ ہیں، دو سےڈھائی کروڑ گھرانوان کو امداد دی گئی جبکہ پاکستان کی مجموعی آبادی میں سے 70 فیصد کو امداد دی جاچکی ہے۔

 وزیراعظم کے معاون خصوصی ڈاکٹر شہباز گل نے مزید کہا کہ چین کے علاوہ پاکستان نے خطے میں سب سے زیادہ کورونا ٹیسٹنگ کی سہولت فراہم کی جبکہ وینٹی لیٹرز کے علاوہ آج ہم میڈیکل کی الات برآمد کرنے کے قابل ہوگئے۔