وفاقی وزیر اطلاعات شبلی فراز نے کہا ہے کہ چینی سے متعلق رپورٹ عوام کے سامنے آنے سے خود اپوزیشن جماعتیں حیران ہے۔

تفصیلات کے مطابق وفاقی وزیر اطلاعات شبلی فراز نے اپنے ایک بیان میں کہا کہ ملکی تاریخ میں کوئی برسر اقتدار حکومت ایسی رپورٹ عوام کے سامنے نہیں لائی لیکن چینی رپورٹ عوام کے سامنے آنے سے خود اپوزیشن حیران ہے۔

اپنے پیغام میں پاکستان تحریک انصاف کے رہنما شبلی فراز نے کہا کہ وزیر اعظم عمران خان نے یہ ثابت کیا ہے کہ کوئی قانون سے بالا تر نہیں ہے۔

وفاقی وزیر اطلاعات شبلی فراز نے مزید کہا کہ ماضی میں حکمران غلط کام کرتے رہے اور پھر ان کا دفاع بھی کرتے رہے۔

واضح رہے اس سے قبل وفاقی وزیر اطلاعات و نشریات سینیٹر شبلی فراز نے اپنے ایک بیان میں کہا تھا کہ اقتدارن لیگ کی سوچ کاہمیشہ سےمحوررہا ہے جبکہ مسلم لیگ ن کی قیادت اپنی ذات سےباہرنہیں نکلی،عوام نےشہبازشریف کولیپ ٹاپ میں دیکھا ہےاس سےباہر نہیں۔

نیب آزاد ادارہ ہے حکومت کا کوئی لینا دینا نہیں،شبلی فراز

شبلی فراز نے یہ بھی کہا کہ عمران خان نےاداروں کوافراد کےبجائےقانون کےماتحت کیا، نیب آزاد ادارہ ہے حکومت کاکوئی لینا دینا نہیں، مسلم لیگ ن کےدورمیں نیب کوہمیشہ مفادات کیلئےاستعمال کیا گیا لیکن پاکستان تحریک انصاف کے دور میں نیب ایک آزاد و خودمختار ادارہ ہے۔

وفاقی وزیر اطلاعات و نشریات سینیٹر نے مزید کہا تھا کہ لیگ کی قیادت صرف اپنی ذاتی مسائل پر سیاست کررہی ہے جبکہ ان کے کیسز بھی کرمنل طرزکے ہیں لیکن یہ سیاسی بنانا چاہتے ہیں۔