امیر جماعت اسلامی سراج الحق نے  پی آئی اے طیارہ حادثے پر اظہار تشویش کرتے ہوئے کہنا تھا کہ اتنے بڑے سانحے کی کسی نے ذمہ داری قبول نہیں کی۔

تفصیلات کے مطابق نماز عید کی ادائیگی کے بعد میڈیا سے گفتگو میں حکومت کو کڑی تنقید کا نشانہ بناتے ہوئے انہوں نے کہا کہ گزشتہ ادوار میں ہونے والے حادثات پر عمران خان ہمیشہ حکمرانوں سے استعفے کا مطالبہ کرتے رہے اور اقتدار میں آکر قوم سے کیے گئے وعدے بھول گئے ہیں۔

امیر جماعت اسلامی کا وزیراعظم کو اپنی پرانی تقریریں سننے کا مشورہ دیتے ہوئے پی آئی اے میں کرپشن کے خاتمے اور ملوث افراد کے محاسبے کا مطالبہ کر دیا ہے۔

سراج الحق کا کہنا تھا کہ انکوائری رپورٹ کے لئے مقرر کی گئی تین ماہ سے زائد عرصے کی طویل مدت کا مقصد یہ ہے کہ واقعے کو فراموش کیا جارہا ہے۔