کراچی میں تاجروں کی  جانب سے ایس او پیز کی خلاف ورزی پر ضلعی انتظامیہ  نے کارروائی کرتے ہوئے متعدد مارکیٹیں سیل کردیں۔

تفصیلات کے مطابق ایس او پیز کی خلاف ورزی کرنے پر طارق  روڈ سمیت دیگر علاقوں میں متعدد مارکیٹوں کو سیل کردیا گیا  ہے۔

طارق روڈ  پر مختلف شاپنگ سینڑز او ر گارمنٹس و شوز کی دکانیں سیل کی گئی ہیں ۔

سیل کیے جانے شاپنگ سینٹرز میں عظمی شاپنگ سینٹر ، رفیع شاپنگ سینٹر، پی ایم سی شاپنگ سینٹر شامل ہیں۔

کمشنر کراچی افتخار شالوانی کا کہنا ہے کہ جب تک تاجر اور دکاندار ایس او پیز پر عمل نہیں کریں گے کارروائی جاری رہے گی۔

اس کے علاوہ  ایس او پی کی خلاف ورزی پر اسسٹنٹ کمشنرگارڈن اسماء بتول نے موتی والا مینشن بازار کو  بھی سیل کردیا۔

اسسٹنٹ کمشنر گارڈن  اسماء بتول کا کہنا ہے کہ بازارمیں نہ توسماجی فاصلہ تھا ، نہ ہی  سینیٹائزر، ماسک اور گلووز کا استعمال کیا جارہا تھا۔