آرمی چیف جنرل قمر جاوید باجوہ نے اسپیکر قومی اسمبلی اسد قیصر کو فون کر کے ان کی صحت دریافت کی۔

ٹیلی فون رابطہ میں بات چیت کے دوران آرمی چیف نے اسپیکر سے ان کی صحت سے متعلق خیریت دریافت کی۔

آرمی چیف نے اسپیکر کی جلد صحتیابی کیلئے نیک خواہشات کا اظہار کرتے ہوئے کہا کہ آپ کی جلد صحت یابی کیلئے دعا گو ہوں جس پر اسپیکر قومی اسمبلی اسد قیصر نے نیک تمناؤں اور خصوصی دعائوں پر شکرگزار ہوں۔

یاد رہے اس سے قبل وزیراعظم عمران خان نے اسپیکر قومی اسمبلی اسد قیصر کو فون کر کے ان کی صحت دریافت کی اور اسد قیصر کی جلد صحت یابی کے لیے دعا بھی کی۔

وزیراعظم کا اسد قیصر کو فون، صحت یابی کے لیے دعا

واضح رہے کہ چند روز قبل اسپیکر قومی اسمبلی اسد قیصر کا کورونا ٹیسٹ مثبت آنے کے بعد انہوں نے خود کو گھر میں قرنطینہ کر لیا تھا، اُن کے صاحبزادے اور صاحبزادی کے کورونا ٹیسٹ بھی مثبت آئے تھے۔

اسد قیصر نے بتایا تھا کہ ٹیسٹ رپورٹ موصول ہونے کے بعد میں نے خود کو گھر میں قرنطینہ کرلیا ہے۔ انہوں نے پوری قوم سے درخواست کی کہ وہ دعاؤں میں یاد رکھیں اور بہت احتیاط کریں۔