بول نیوز کے اینکر نورالعارفین پر حملے کی سازش ناکام بنادی گئی ہے۔

کراچی میں بول نیوز کے اینکر نورالعارفین پر حملے سمیت دہشتگردی کی مذموم سازش ناکام بنادی گئی ہے۔

تفصیلات کے مطابق کراچی میں بول نیوزکے اینکرنورالعارفین پر حملے سمیت دہشتگردی کی مذموم سازش ناکام بناتے ہوئے رینجرز نے ایم کیوایم لندن کے تین دہشتگردوں کو گرفتارکرلیا ہے۔

 ترجمان رینجرز کے مطابق ملزمان سے اسلحہ اور دستی بم برآمد کرلئے گئے ہیں۔

  گرفتار کردہ ملزمان میں وسیع اللہ، محمد فاضل اور محمد رضوان شامل ہیں، ترجمان رینجرز کا کہنا ہے کہ دہشتگردوں کا تعلق ایم کیوایم لندن کی ٹیم سے ہے، وجیہ لندن سے احکامات لے کر گروہ دہشتگردی کی منصوبہ بندی کررہا تھا۔

ترجمان رینجرزکا کہنا ہے کہ ملزمان نے بانی ایم کیوایم کے حکم پر نورالعارفین پر حملے کے منصوبے کا اعتراف کرلیا ہے جبکہ سابق ایم پی اے وسیم کو بھی ٹارگٹ کرنے کا پلان بنایا گیا تھا۔

ملزمان کے مطابق دہشتگردی کے عمل میں ملیر، شاہ فیصل اور کورنگی میں گیس سلنڈر کی دکانوں پر کریکر حملے بھی کئے جانے تھے تاکہ سلنڈرپھٹنے سے بڑے دھماکے ہوسکیں۔