کورونا وائرس کے بڑھتے  ہوئے کیسز کے باعث وزیر اعظم آفس  کے ملازمین کو گھروں سے کام کرنے کی ہدایت کردی گئی۔

تفصیلات کے مطابق  کورونا  وائرس کے پھیلاؤ کے سبب وزیراعظم آفس میں اسٹاف  کو محدود کرتے ہوئے  اسٹاف کی اکثریت کو دفتر آنے سے روک دیا گیا ہے۔

وزیر اعظم آفس کی جانب سے جاری کردہ حکم نامے میں کہا گیا ہے کہ  وزیر اعظم آ فس کے ملازمین گھروں میں رہیں۔  جوائنٹ سیکرٹری ایڈمن کے علاوہ تمام جوائنٹ سیکرٹریز گھروں میں بیٹھ کر کام کریں۔

ڈپٹی سیکرٹریز اور ان کا اسٹاف ہفتہ وار بنیادوں پر آئے گا۔مختلف سیکشنز میں کام کرنے والے ملازمین روٹیشن پالیسی کے تحت کام کریں گے۔

گھر سے کام کرنے والے ملازمین کو ہدایت کی گئی ہے کہ وہ اسٹیشن نہ چھوڑیں اور فون پر دستیاب رہیں۔ایمرجنسی کی صورت میں افسران کو کسی بھی وقت بلایا جا سکتا ہے۔