بھارتی فوج کی لائن آف کنٹرول ( ایل او سی ) پر سیز فائر کی خلاف ورزیوں کاسلسلہ بدستور جاری ہے۔

پاک فوج کے شعبہ تعلقات عامہ (آئی ایس پی آر) سے جاری بیان کے مطابق بھارتی فورسز نے ایل او سی پر سیز فائر کی خلاف ورزی  کرتے ہوئے باگسر سیکٹر پر بلا اشتعال فائرنگ کی اور شہری آباد کو نشانہ بنایا۔

ترجمان آئی ایس پی  نے مزید کہا کہ ایل او سی پر بھارتی فورسز کی بلااشتعال فائرنگ سے ایک شہری بابر حسین زخمی ہوگیا ، زخمی طبی امداد کیلئے قریبی طبی مرکز منتقل کردیاگیا ہے۔

یاد رہے کہ بھارتی فورسز نے ایل اوسی پر سیز فائر کی خلاف ورزی  کرتے ہوئے وادی لیپہ اور کیانی سیکٹر پر بلا اشتعال فائرنگ کی تھی جس سے ضلع نوشہرہ کے گاوں پبی سے تعلق رکھنے والے جوان امتیازعلی شہید ہوگئے  تھے جبک اس ے گزشتہ ہفتے بھی بھارتی فوج کی جانب سے لائن آف کنٹرول چڑی کوٹ سیکٹر میں بلا اشتعال فائرنگ سے ایک خاتون شدید زخمی ہو گئی تھی۔

بھارتی فوج کی ایل او سی پربلااشتعال فائرنگ، 1 شہری زخمی

رواں ماہ  کہ آغاز میں بھی  ستوال سیکٹر پر شہری آبادی کو نشانہ بنایا، بھارتی فورسز کی فائرنگ سے 45 سالہ مقامی شہری شدید زخمی ہوگیا تھا۔

واضح رہے کہ گزشتہ سال 26 دسمبر کو لائن آف کنٹرول پر بھارتی اشتعال انگیزی کے سبب پاک فوج کے 2 جوان شہید جب کہ جوابی کارروائی میں پاک فوج نے 3 بھارتی فوجی مارے تھے۔