عالمی کورونا وائرس کے مریضوں کے لئے بھرتی کئے گئے فرنٹ لائن ورکرز سندھ حکومت کی بےحسی کا شکار ہو گئے۔

 تفصیلات کے مطابق سندھ حکومت کی بے حسی کو دیکھتے ہوئے عالمی کورونا وائرس کے مریضوں کے لئے بھرتی کئے گئے فرنٹ لائن ورکرز نے کام کرنا ہی چھوڑ دیا۔

ذرائع کا کہنا ہے کہ فرنٹ لائن پر کام کرنے والے 2 ہزار 3 سو 82 اسٹاف 3 ماہ سے تنخواہوں سے محروم ہونے کا انکشاف ہوا۔

 فرنٹ لائن ورکرز نے کراچی پریس کلب کے سامنے سراپا احتجاج کیا اور کہا کہ سندھ حکومت فرنٹ لائن ورکر کو سلام تو کرتے ہیں پر تنخواہ نہیں دیتی۔

فرنٹ لائن ورکرز کا کہنا ہے کہ جب تک مستقل تعیناتی نہیں کی جاتی مزید کام نہیں کریں گے۔

فرنٹ لائن فائیٹرز پر کورونا کے وار مزید تیز

یاد رہے سندھ پبلک سروس کمیشن کی 14 سو آسامیوں کے لیے 2 ہزار 3 سو 92 اسٹاف نے امتحان میں حصہ لیا تھا، عالمی وبا کی صورت میں سندھ حکومت نے سندھ پبلک سروس کمیشن کے امتحان میں اہل تمام امیدواروں کو 89 روز کے لئے بھرتی کیا تھا جبکہ 22 جون کو 2 ہزار 3 سو 82 اسٹاف کی مدت ملازمت ختم ہو گئی تھی لیکن 26 جون کو دوبارہ 89 روز کے لئے کنٹریکٹ کی تجدید کی گئی۔