وفاقی وزیر صنعت و پیداوار حماد اظہر کا کہنا ہے کہ پیٹرول کی قیمتوں کو عالمی منڈی کی وجہ سے بڑھایا گیا ہے۔

قومی اسمبلی  کے اجلاس میں  اظہار خیال کرتے ہوئے  وفاقی وزیر صنعت و پیداوار حماد اظہر کا کہنا تھا کہ پیڑولیم لیوی ن لیگ کے دور میں تیس روپے پر پر سیل کی گئی ہم نے اس کو نہیں چھیڑا۔

وفاقی وزیر صنعت و پیداوار  نے کہا کہ 18-2017 میں چھ سو ارب کی گرانٹس دی گئیں جس میں 415 کی ضمنی گرانٹس تھیں۔

حماد اظہر نے کہا کہ کورونا کی وجہ سے تین سو ارب کی گرانٹس دی گئی ہیں۔ کرنسی کے فرق کی وجہ سے یہ گرانٹس دی گئی ہیں۔

انہوں نے کہا کہ  بتیس ارب کی گرانٹس پیٹرولیم سیکٹر کو دی گئی ہیں۔احساس پروگرام کو بڑھایا گیا ہے۔

وفاقی وزیر صنعت و پیداوار کا کہنا تھا کہ  سی پیک کے لیے ساڑھے سات ارب نہیں بلکہ ساڑھے سات کروڑ روپے رکھے گئے ہیں۔ ہم نے کورونا اور کرنسی کے ایشو کے علاوہ کوئی ضمنی گرانٹس نہیں دیں۔

حماد اظہر کا کہنا تھا کہ   ایف بی آر میں  بھی بہتری کی ضرورت ہے۔