کورونا وائرس  کے پھیلاؤ کے سبب  سندھ حکومت نے سرکاری دفاتر میں کام کرنے والے ملازمین کے لئے نئے ایس او پیز جاری کردیے۔

چیف سیکریٹری سندھ کے جاری کردہ اعلامیہ کے مطابق  سرکاری دفاتر میں رش کم کرنے کے لئے ملازمین کو محدود تعداد میں بلانے کا فیصلہ کیا گیا ہے۔

تمام سرکاری ملازمین کو پندرہ روزہ روٹیشن میں بلایا  جائے گا۔ملازمین کو پندرہ دن گھروں سے کام کرنا ہوگا اور پندرہ روز دفاتر آنا ہوگاجبکہ  کسی بھی دائمی مرض میں مبتلا ملازمین گھروں میں رہ کر فرائض انجام دیں گے۔

سرکاری دفاتر میں تمام ایس او پیز پر عملدرآمد لازمی ہوگا۔دفاتر میں فرائض انجام دینے والے ملازمین کو فیزیکل فاصلہ برقرار رکھنا ہوگا۔

سندھ سیکریٹریٹ آنے والے وزیٹرز کو مرکزی گیٹ پر روکا  جائے گا اور  سیکریٹیرٹ آنے کی ٹھوس وجوہات پر صرف متعلقہ دفتر تک جانے کی اجازت ہوگی۔

افسران کو آئیسولیشن کی چھٹی لینے کے  لیے کورونا ٹیسٹ کی مثبت  رپورٹ جمع کرانا ہوگی۔