اسپیکر خیبر پختونخواہ اسمبلی مشتاق غنی میں بھی کورونا وائرس کی تشخیص ہوئی ہے۔

تفصیلات کے مطابق اسپیکر خیبر پختونخواہ اسمبلی مشتاق غنی میں بھی کورونا وائرس کی تشخیص ہوئی ہے جس کے بعد مشتاق احمد غنی نے خود کو گھر میں قرنطینہ کرلیا ہے۔

 اسپیکر مشتاق غنی نے کہا ہے کہ کورونا ٹیسٹ پازیٹیو آنے کے بعد 14 دن کے کئے قرنطین ہوگیا ہوں جس کے باعث بجٹ اجلاس میں بھی شریک نہیں ہونگا۔

مشتاق غنی نے کہا ہے کہ بجٹ اجلاس کی صدارت ڈپٹی اسپیکر کرینگے۔

انہوں نے مزید کہا ہے کہ انتہائی احتیاط کے باوجود کورونا کا شکار ہوا ہوں اس لئے اب عوم سے بھی درخواست ہے کہ اپنے اور اپنے پیاروں کی زندگی کے لئے انتہائی احتیاط کریں اور عوام غیر ضروری گھر سے باہر نا نکلے۔

خیال رہے کہ اسپیکر خیبر پختونخوا اسمبلی مشتاق غنی کی بیٹی اور داماد میں بھی کورونا کی تشخیص ہوئی ہے۔