پاکستان اسٹاک ایکسچینج میں دہشتگردوں  کے حملے سے متعلق  تفتیش میں اہم پیشرفت ہوئی ہے۔

ذرائع کے مطابق  تفتیشی اداروں نے پاکستان اسٹاک ایکسچینج میں دہشتگردحملے  کے ماسٹر مائنڈ کا پتہ لگالیا ہے۔

ذرائع کا کہنا ہے کہ  کالعدم تنظیم کا بشیر زیب نامی کمانڈر حملے کا ماسٹر مائنڈ ہے۔بشیر زیب دہشتگرد اسلم اچھو  کی ہلاکت کے بعد کمانڈر بنا تھا۔

بشیر زیب ساتھی اللہ نظر کے ساتھ افغانستان کے شہر کندھار فرار ہے۔

واضح رہے کہ اسلم اچھو چائینیز کانصلیٹ پر حملے کا ماسٹر مائنڈ تھا۔کالعدم تنظیم نے بھارتی خفیہ ایجنسی ’را ‘کی فنڈنگ سے چائینیز کانصلیٹ پر حملہ کیا تھا۔

ذرائع کا کہنا ہے کہ پاکستان اسٹاک ایکسچینج پر حملے میں بھی ’را ‘فنڈنگ کے شواہد ملے ہیں۔