آرمی چیف جنرل قمر جاوید باجوہ  نے کہا ہے کہ نیوی وار کالج پاک بحریہ کا بہترین، قابل فخر ادارہ ہے۔

پاک فوج کےشعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے نیوی وار کالج لاہور کا دورہ کیا ، نیوی وار کالج آمد پر کمانڈنٹ ریئر ایڈمرل محمد زبیر شفیق نے آرمی چیف کا استقبال کیا۔

نیوی وار کالج لاہور کے دورے میں آرمی چیف جنرل قمرجاوید باجوہ نے یادگار شہدا پر پھول چڑھائے،فاتحہ خوانی کی۔

ترجمان آئی ایس پی آر کا کہنا ہے کہ اپنے خطاب کے دوران آرمی چیف جنرل قمر جاوید باجوہ نے جیو اسٹریٹجک ماحول، سیکیورٹی چیلنجز اور پاکستان کے لیئے موجود مواقع پر بات کی۔

اس موقع پر آرمی چیف جنرل قمر جاوید باجوہ نے 49ویں نیول اسٹاف کورس اور فیکلٹی ممبران سے خطاب کرتے ہوئے کہا کہ نیوی وارکالج پاک بحریہ کا معتبر ادارہ ہے، جہاں پاکستان آرمڈ فورسز اور دوست ممالک کے افسران کو اہم کمانڈ اور اسٹاف کی تقرریوں کے بارے میں تربیت دی جاتی ہے۔

آرمی چیف جنرل قمر جاوید باجوہ نے مزید کہا کہ پاک بحریہ مادر وطن کی سمندری سرحدوں کی حفاظت کے لیئے قوم کی توقعات پر ہمیشہ پورا اتری جبکہ کہ پاک بحریہ زبردست طاقت کی حیثیت سے بہادری اور قربانیوں کی قابل فخر تاریخ کے ساتھ ہمیشہ مادر وطن کے سمندری محاذوں کا دفاع کرنے میں قوم کی توقعات پر ہمیشہ قائم ہے۔

آرمی چیف کا مفتی نعیم کے انتقال پر گہرے دکھ اور افسوس کا اظہار

ترجمان آئی ایس پی آر کا مزید کہنا تھاکہ نیوی وار کالج لاہور کے دورے میں کور کمانڈر لاہور لیفٹیننٹ جنرل ماجد احسان بھی آرمی چیف جنرل قمر جاوید باجوہ  کے ہمراہ شریک ہوئے۔