قومی رابطہ کمیٹی نے شادی ہالز،ا سکولز اور  تفریح گاہیں نہ کھولنے کا فیصلہ  کرلیا۔

تفصیلات کے مطابق  وزیراعظم عمران خان کی زیر صدارت  وزیر اعظم ہاؤس میں قومی رابطہ کمیٹی کا اجلاس  ہو جس میں اہم فیصلے کیے گئے۔

قومی رابطہ کمیٹی  نے ہفتے میں 5 روز تمام کاروبار کھلا رکھنے کا فیصلہ کیا ہے۔دکانیں صبح 9 سے شام سات بجے تک کھلی رہیں گی۔

میڈیکل اسٹورز، کریانہ، گراسری  کی دکانیں اور  پٹرول پمپس ہفتے میں سات دن کھلے رہیں گے جبکہ شادی ہالز، اسکولز اور تفریح گاہیں بند رہیں گی۔

اجلاس میں فیصلہ کیا گیا کہ  ٹرانسپورٹ بھی ایس او پیز کے ساتھ چلتی رہے گی جبکہ  ماسک پہننا لازمی ہوگا۔

قومی رابطہ کمیٹی نے وزارت ریلوے کو 40 ٹرینیں چلانے کی   بھی اجازت دے دی۔

اجلاس میں وزیراعظم  نے بیرون ملک سے پاکستانیوں کو فوری واپس لانے کی ہدایت بھی کی۔