آرمی چیف جنرل قمر جاوید باجوہ  نے کہا ہے کہ اپنی بہادر قوم کےتعاون سے دہشت گردوں کی ہرکوشش ناکام بنادیں گے۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف جنرل قمر جاوید باجوہ نے پاکستان اسٹاک ایکسچینج کے سیکیورٹی گارڈز کو زبردست خراج تحسین پیش کیا۔

… and integrated response of Pak Rangers & Sindh Police, eliminating terrorists in shortest possible time. “With support of our resilient nation, we will foil all efforts of enemies aimed at destabilizing hard earned peace achieved through sacrifices of our martyrs” COAS. (2/2)

— DG ISPR (@OfficialDGISPR) June 29, 2020

اس موقع پر آرمی چیف نے کہا کہ قانون نافذ کرنے والے اداروں کی آپریشنل تیاری قابل تعریف ہے، گارڈزکی  بروقت کارروائی سےدہشت گردی کی بڑی کوشش ناکام بنادی گئی۔

آرمی چیف جنرل قمر جاوید باجوہ نے مزید کہا کہ ملک میں دیرپاامن شہداکی بڑی قربانیوں کےنتیجےمیں ممکن ہوا جبکہ رینجرزاورسندھ پولیس  نےبروقت کارروائی کرکےمختصروقت میں دہشت گردوں کاخاتمہ کیا۔

واضح رہے کہ پاکستان اسٹاک ایکسچینج پر دہشت گردوں کے نتیجے میں پولیس اہلکار سمیت  7 افراد جاں بحق ہوگئے جبکہ  فورسز کی جوابی کارروائی میں چاروں دہشتگرد مارے گئے۔

پولیس کے مطابق پیر کی صبح 10 بجے کے قریب 4 دہشتگردوں نے پہلے اسٹاک ایکسچینج کے گیٹ پر دستی بم حملہ کیا اور پھر اندھا دھند فائرنگ کردی۔

واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور آپریشن شروع کردیا تھا۔

بعدازاں کراچی پولیس چیف غلام نبی میمن کے ہمراہ  پاکستان اسٹاک ایکسچینج پر حملے کے حوالے سے پریس بریفنگ میں  ڈی جی رینجرز سندھ نے بتایا کہ  صبح 10 بجکر 2 منٹ پر گاڑی میں سوار دہشت گرد پہنچے تھے جبکہ  واقعے کا اختتام 10 بجکر 10 منٹ پر ہوگیا تھا۔