مختلف ممالک میں نئے نامزد پاکستانی سفرا ء کی وزارت خارجہ میں وزیر خارجہ شاہ محمود قریشی سے ملاقات ہوئی۔

اس موقع پر وزیر خارجہ نے نئے نامزد سفرا ء کو پیشہ ورانہ امور اور فارن پالیسی ترجیحات کے حوالے سے ہدایات دیں۔

ملاقات میں وزیر خارجہ شاہ محمود قریشی نے بطور سفیر نامزدگی پر تمام سفرا کو مبارکباد دی اور کہا آپ ایسے وقت میں بطور سفیر تعینات ہو رہے ہیں جب پاکستان کو داخلی اور خارجی طور پر بہت سے چیلنجز کا سامنا ہے ۔

 وزیر خارجہ شاہ محمود قریشی نے مزید کہا کہ پاکستانی کمیونٹی کے حقوق کا تحفظ اور ان کے مسائل کا ترجیحی بنیادوں پر حل ہماری اولین ترجیحات میں شامل ہے۔

وزیر خارجہ کا ترکی کے والکن بوزکیر کو مبارکباد کا خط

ملاقات کرنے والوں میں نامزد سفیر برائے افغانستان منصور احمد خان ، چین کے لیے نامزد سفیر معین الحق ، برطانیہ کے سفیر معظم علی خان،برازیل کے سفیر احمد حسین دیو ، سویڈن کے لیے ظہور احمد ، آسٹریا کے لیے سفیر آفتاب احمد کھوکھر، بیلاروس میں سجاد حیدر خان ، نیپال میں سید حیدر شاہ، انڈونیشیا میں محمد حسن ، فلپائن کے لیے  امتیاز احمد قاضی ، نیوزی لینڈ کے لیے مراد اشرف جنجوعہ ، جنوبی افریقہ کے لیے مظہر جاوید، مصر کے لیے ساجد بلال، ایتھوپیا کے لیے نامزد سفیر  شوذب عباس ، تنزانیہ کے لیے محمد سلیم ، نجر کے لیے احمد علی سروہے، روانڈا کے لیے امیر محمد خان ، کازغستان کے لیے سجاد احمد سیہڑ  ، آذربائیجان کے لیے بلال حئی اور قونصل جنرل چندو کے لیے نامزد امجد عزیز شریک ہوئے۔