مقبوضہ کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع اسلام آباد میں مزید 3کشمیری نوجوان شہید کردیئے ۔

کشمیر میڈیا سروس کے مطابق فوجیوں نے ان تین نوجوانوں کو ضلع اسلام آباد کے علاقے رونی پورہ میں محاصرے اور تلاشی کی کارروائی کے دوران شہید کیا۔

بھارتی پولیس کے ایک سینئر اہلکار نے دعوی کیا ہے کہ تینوں نوجوانوں کا تعلق عسکریت پسندوں سے تھا اور انہیں فائرنگ کے تبادلے میں شہید کیاگیا،  شہداء کی شناخت ابھی تک ظاہر نہیں کی گئی۔

 قابض فوجیوں نے علاقے کے تمام داخلی اور خارجی راستے سیل کر دیئے ہیں جبکہ موبائل فون انٹرنیٹ سروس بھی معطل کر دی ہے۔