پنجاب حکومت نے لاہور میں مویشی منڈی لگانے پر پابندی عائد کرتے ہوئے کہا ہے کہ مویشی منڈیوں سے متعلق چند روز میں ایس اوپیز واضح کیے جائیں گے۔

ذرائع پنجاب حکومت کے مطابق کورونا وائرس کے بڑھتے وار کے پیش نظر شہروں میں منڈیاں دور داراز علاقوں میں لگیں گی، بڑے شہروں کے اندر عیدالضحی پر  مویشی  منڈی نہیں لگے گی۔

ذرائع نے بتایا ہے کہ شہری قربانی کے جانور کیسے خریدیں گے، سفارشات پر کام جاری ہے جبکہ قربانی کے جانوروں کی خریدوفروخت ممکن بنانے کے لیے آئندہ چند روز میں ایس اوپیز واضع  کیے جائیں گے۔

شہر میں مویشی منڈیوں پر پابندی کا فیصلہ شہریوں کے وسیع مفاد میں کیا گیا ہے جبکہ شہر کے باہری حدود کے قریب کم آبادی والے علاقوں میں منڈیوں کے قیام کی تجویز زیر غور ہے۔