سندھ اسمبلی میں حضرت محمد ﷺ کے نام کے ساتھ خاتم النبیین لکھے جانے اور پڑھے جانے کی باقاعدہ قرارداد منظور ہو گئی ہے۔

سندھ اسمبلی کی جانب سے منظور شدہ اس قرارداد میں واضح کہا گیا ہے کہ حضرت محمد ﷺ آخری نبی ہیں اور بحیثیت مسلمان یہ ہمارا عقیدہ ہے کہ آپﷺ کے بعد کوئی نبی دنیا میں نہیں آئیگا۔

سندھ اسمبلی میں محمدﷺ کے نام کیساتھ خاتم النبیین لگانے
اور خاتون جنت حضرت فاطمہ زہرا سلام اللہ علیہا کے روضہ کی تعمیر سے متعلق قرارداد پیش
کرن ناز کا سندھ اسمبلی کے ممبران کو خراج تحسین #BOLNews #BusBohatHoGaya #Khatam_An_Nabiyyin #TheHolyProphet #SindhAssembly@kirannazsamaa pic.twitter.com/l6jIEF2Cf0

— BOLNetwork (@BOLNETWORK) June 15, 2020

خیال رہے کہ یہ قرارداد ایم کیو ایم کے رکن قومی اسمبلی محمد حسین کی جانب سے پیش کی گئی تھی جس کی حمایت سندھ اسمبلی کے اپوزیشن لیڈر فردوس شمیم نقوی کی جانب سے کی گئی اور وزیر اعلیٰ سندھ سید مراد علی شاہ سے اس قرارداد پر قانون سازی کی بھی درخواست کی گئی ہے۔

واضح رہے کہ 24 جولائی کو وفاقی وزیر داخلہ بریگیڈیئر (ر) اعجاز شاہ نے کہا تھا کہ آئین میں عقیدہ ختم نبوت اور اسلامی دفعات میں ترمیم یا خاتمے کا تصور بھی نہیں کیا جا سکتا۔