مسلم لیگ ن کی ترجمان مریم اورنگزیب کی کورونا ٹیسٹ رپورٹ مثبت آگئی۔

تفصیلات کے مطابق مسلم لیگ ن کی ترجمان مریم اورنگزیب بھی کورونا وائرس کا شکار ہو گئے، ٹیسٹ رپورٹ مثبت آنے پر مسلم لیگ ن کی ترجمان نے خود کو گھر میں قرنطینہ کرلیا۔

ذرائع کا کہنا ہے کہ مسلم لیگ ن کی ترجمان مریم اورنگزیب کی والدہ کی کورونا رپورٹ بھی مثبت آئی ہے۔

یاد رہے اس سے قبل سابق وزیراعظم شاہد خاقان عباسی بھی اس وبا کا شکار ہو گئے تھے۔

 پاکستان مسلم لیگ ن کی ترجمان مریم اورنگزیب نے شاہد خاقان عباسی کے کورونا سے متاثر ہونے کی تصدیق کرتے ہوئے کہا تھا کہ سابق وزیراعظم کی کورونا ٹیسٹ رپورٹ مثبت آگئی، جس کے بعد انہوں نے خود کو اپنے گھر میں قرنطینہ کر لیا ہے۔

شاہد خاقان عباسی کا کورونا ٹیسٹ مثبت آگیا

واضح رہے پاکستان میں گزشتہ  24 گھنٹوں کےدوران کورونا کے مزید  4728کیسز اور 65 اموات رپورٹ ہوئی ہیں جس کے بعد کیسز کی مجموعی تعداد 1 لاکھ 3 ہزار 671ہوگئی ہے، جبکہ اس موذی وباء سے جاں بحق افراد کی کُل تعداد 2 ہزار67 ہو گئی ہے۔

 کورونا وائرس کے ملک میں 67 ہزار 12مریض اب بھی اسپتالوں، قرنطینہ مراکز اور گھروں میں آئسولیشن میں ہیں، جبکہ 34 ہزار 355مریض اس بیماری سے صحت یاب ہو چکے ہیں۔

اعدادوشمار کے مطابق اب تک پنجاب میں کورونا سے 715 اور سندھ میں 650 افراد انتقال کرچکے ہیں جبکہ خیبر پختونخوا میں 575  افراد،اور بلوچستان میں 54 افراد جاں بحق ہوچکے ہیں۔