پاکستان پیپلز پارٹی کے چیئرمین بلاول بھٹو زرداری نے کہا ہے کہ کورونا وائرس سے بچاؤ کے لئے مؤثر اقدامات کر کے سندھ ایک رول ماڈل صوبہ بن گیا ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے وزیراعلی سندھ سید مراد علی شاہ کی ملاقات ہوئی ہے جس میں چیئرمین بلاول بھٹو زرداری کو وزیراعلی سندھ نے صوبائی بجٹ کے اہم نکات کے حوالے سے آگاہ کیا ہے۔

ملاقات میں چیئرمین بلاول بھٹو زرداری کو وزیراعلی سندھ کی جانب سے بریفنگ دیتے ہوئے بتایا گیا کہ بجٹ میں کورونا وائرس، ٹِڈی دَل اور غربت میں کمی کو ترجیح دی گئی ہے۔

چیئرمین بلاول بھٹو زرداری کا کہنا تھا کہ اپنے بجٹ میں شعبہ صحت کیلئے نمایاں رقم مختص کر کے سندھ دوسرے صوبوں اور وفاق کیلئے ایک مثال بن گیا ہے۔