بحیرہ عرب میں طوفان نسارگا کے خطرے کے باعث این ڈی ایم نے ایڈوائزری جاری کردی ہے۔

تفصیلات کے مطابق نیشنل ڈیزاسٹر مینجمنٹ اتھارٹی (این ڈی ایم اے) کی جاری کردہ رپورٹ میں بتایا گیا ہے کہ نسارگا طوفان سے پاکستان کے کسی کوسٹل ایریا کو خطرہ نہیں ہے، نسارگا نامی سمندری طوفان کراچی سے 11سو کلومیٹر جنوب میں ہے۔

این ڈی ایم اے کا کہنا ہے کہ ماہی گیروں کو گہرے سمندر میں جانے سے روکا جائے اور مطلع کیا گیا ہے کہ 4 جون تک ماہی گیر احتیاط کریں۔

اے این ڈی ایم اے کی جانب سے تمام متعلقہ اداروں کو ہدایت جاری کردی گئی  ہیں۔

نیشنل ڈیزاسٹر مینجمنٹ اتھارٹی کا کہنا ہے کہ نسارگا نامی سمندری طوفان سے ساحلی علاقوں میں ستر سے 80کلومیٹر فی گھنٹہ کی رفتار سے ہوائیں چلنے کا امکان ہے۔