صوبائی وزیر برائے زراعت اسماعیل راہو نے کہا ہے کہ پیٹرولیم کمپنیاں جیت گئیں مسٹر بحران خان ہار گئے ہیں۔

تفصیلات کے مطابق سندھ حکومت نے پیٹرول مصنوعات کی قیمتوں میں اضافہ مسترد کردیا اور کہا ہے کہ پیٹرولیم کمپنیاں جیت گئیں مسٹر بحران خان ہار گئے۔

صوبائی وزیر نے کہا ہے کہ پیٹرول مصنوعات کی قیمتوں میں اضافہ مسترد کرتے ہیں۔

انہوں نے سوال کیا ہے کہ جب پیٹرول مصنوعات کی قیمتیں عالمی منڈی میں نہیں بڑھیں تو پھر یہاں کیوں اضافہ کیا گیا ہے؟ کیا تیل کمپنیاں ریاست سے بھی طاقتور ہیں جو ان کے کہنے پر پیٹرول مصنوعات کی قیمتوں میں اضافہ کیا گیا ہے؟

عوام پر پیٹرول بم گرانے کی تیاری

حکومت نے ایک اور معاشی بم عوام پر گرا دیا ، احسن اقبال

اسماعیل راہو کا کہنا تھا کہ حکومت نے پیٹرول 25 روپے58 پیسے فی لیٹرمہنگا کر کے مہنگائی کے ستائے عوام پر پیٹرو ل بم گرادیا ہے، آخر حکومت پر ایسی کیا مصیبت آ پڑی تھی کہ مہینہ پورا ہونے کا انتظار بھی نہ کیا گیا ؟۔

حکومت کو تنقید کا نشانہ بناتے ہوئے انہوں نے کہا ہے کہ وفاق نے بجٹ میں عوام کو ریلیف دینے کے بجائے عوام کو ہی لوٹنا شروع کردیا ہے۔

‏ پیٹرولیم مصنوعات کی قیمتوں میں پہاڑ جتنا اضافہ قابل مذمت ہے لیکن تبدیلی کے خواب دیکھنے والوں کو جعلی تبدیلی کا مزا تو آ رہا ہوگا۔

انہوں نے مطالبہ کیا ہے کہ عمران خان پیٹرول مصنوعات کی قیمتوں میں اضافہ کا فیصلہ واپس لیں۔