مختلف ممالک میں پاکستان کے نئے سفیروں کی تعیناتیاں کرنے کا فیصلہ کرلیا گیا۔

ذرائع کے مطابق مختلف ممالک میں پاکستان کے نئے سفیروں کی تعیناتیاں  کی جائیں گی۔

ذرائع کا کہنا ہے کہ آفتاب کھوکھر آسٹریا میں پاکستان کے نئے سفیر  ہوں گےجبکہ  ظہور احمد سویڈن اور  معین الحق چین میں پاکستان کے نئے سفیر ہوں گے۔

منصور خان افغانستان، شوزب عباس اتھوپیا، ساجد بلال مصر، بلال حئی باکو   میں پاکستان کے نئے سفیر  ہوں گے ۔

اس کے علاوہ مراد اشرف جنجوعہ  نیوزی لینڈ جبکہ معظم احمد خان برطانیہ میں پاکستان کے نئے ہائی کمشنر تعینات کیے جائیں گے۔

ذرائع کا کہنا ہے کہ  وزیراعظم عمران خان کی جانب سے تمام تعیناتیوں کی منظوری دے دی گئی ہے۔

زاہد نصراللہ خان کو بھی کمبوڈیا میں پاکستان کا سفیر لگائے جانے کا امکان ہے۔