صدر مملکت ڈاکٹر عارف علوی نے کہا ہے کہ پاکستان اور چین کو ادویات کے شعبہ بالخصوص متعدی امراض کے خلاف تعاون بڑھانے کی ضرورت ہے۔

تفصیلات کے مطابق صدرمملکت ڈاکٹر عارف علوی کی چین کی لبریشن آرمی (پی ایل اے) کے طبی ماہرین کے دس رکنی وفد سے گفتگو ہوئی ہے جس میں انہوں نے صدر کو چین کے طبی ماہرین کی جانب سے وباءسے نمٹنے کے لئے حکمت عملی کے بارے میں جامع پریزنٹیشن دی ہے۔

چینی وفد کے گفتگو کے دوران ڈاکٹر عارف علوی کی جانب سے کورونا جیسے وبائی امراض سے موثر انداز میں نمٹنے کیلئے علاقائی اور عالمی سطح پر مربوط کوششوں کی ضرورت پر زور دیا گیا ہے۔

صدر کا کہنا تھا کہ چین کی میڈیکل ٹیم کے دورہ پاکستان سے دونوں دوست ممالک کے مابین دوطرفہ تعلقات کو مزید تقویت ملے گی جبکہ دوسری جانب صدر کے طرف سے پاکستان کے طبی ماہرین کی مدد کے لئے عطیات اور میڈیکل ٹیم بھیجنے پرچین کے عوام اور قیادت سے اظہار تشکر کا اظہار کیا گیا ہے۔

یاد رہے کہ چین کی طبی ماہرین کی ٹیم اپریل 2020 کے آخری ہفتہ سے پاکستان میں ہے اور یہ طبی ٹیم کورونا سے متعلق اپنے تجربات سے پاکستانی ڈاکٹروں کو آگاہ کر رہی ہے۔